Master - Vaathi Coming 👌👌

 

കോവിഡ് പ്രതിസന്ധിയെ തുടർന്ന് തീയറ്ററുകൾ അടച്ചിട്ടിട്ട് ഏതാണ്ട് ഒരു വർഷത്തോളമായി.

ആ പ്രതിസന്ധിക്ക് ശേഷം തീയറ്ററുകൾ തുറക്കുന്നത് ആഘോഷമാക്കാൻ ആദ്യം എത്തുന്നത് ഒരു ബ്രഹ്‌മാണ്ട സിനിമ തന്നെ,

ദളപതി വിജയ് മക്കൾ സെൽവൻ വിജയ് സേതുപതി എന്നിവർ നേർക്കുനേർ വരുന്ന "മാസ്റ്റർ".

മാനഗരം, കൈതി എന്നീ സിനിമകളിലൂടെ തമിഴ് സിനിമയ്ക്ക് പുതിയൊരു മാനം നൽകിയ സംവിധായകൻ ലോകേഷ് കനകരാജ് ആണ് ചിത്രം ഒരുക്കിയിരിക്കുന്നത്.

മാളവിക മോഹനൻ, ആൻഡ്രിയ, കൈതിയിലൂടെ ശ്രദ്ധേയനായ അർജുൻ ദാസ്, ശന്തനു ഭാഗ്യരാജ്, ഗൗരി കിഷൻ തുടങ്ങി ഒരു വലിയ താരനിര ചിത്രത്തിലുണ്ട്.

കൈതിയുടെ രചയിതാക്കളായ പൊൻ പാർഥിപൻ, രത്നാകുമാർ, ലോകേഷ് ടീം തന്നെയാണ് മാസ്റ്ററിനും രചന നിർവഹിക്കുന്നത്.

അനിരുധ് ആണ് ചിത്രത്തിന് സംഗീതം പകർന്നിരിക്കുന്നത്.

JD എന്ന ജോൺ ദുറൈരാജ് ആയാണ് വിജയ് ചിത്രത്തിൽ എത്തുന്നത്.

അധ്യാപകനായ JD കുട്ടികൾക്കെല്ലാം പ്രിയങ്കരനാണ്. നിയന്ത്രിക്കാനാവാത്ത മദ്യപാനത്തിന് അടിമയായ JD അതിന് കാരണം ചോദിക്കുന്നവരോട് സൂര്യയുടെയും അജിത്തിന്റെയും ഒക്കെ സിനിമാകഥകൾ ആണ് പറയുന്നത്. കൂട്ടത്തിൽ നമ്മുടെ പ്രേമത്തിലെ മലർ മിസ്സിന്റെ കഥ കൂടി പറയുന്നുണ്ട് വിജയ് 😄

JD യുടെ നേതൃത്വത്തിൽ നടക്കുന്ന കോളേജ് ഇലക്ഷൻ സംഘർഷ ഭരിതമാവുന്നതോടെ JD യെ സ്ഥലം മാറ്റി ദുർഗുണ പരിഹാര പാഠശാലയിലേക്ക് അധ്യാപകനായി അയക്കുന്നു.

എന്നാൽ ആ സ്ഥലവും അവിടത്തെ കുട്ടികളും ഭവാനി എന്ന ക്രിമിനലിന്റെ കയ്യിലായിരുന്നു.

ഒരു പ്രത്യേക സാഹചര്യത്തെ തുടർന്ന് JD ഭവനിയുടെ ശത്രുവായി മാറുന്നതും അവർ തമ്മിലുള്ള സംഘർഷത്തിന്റെയും കഥയാണ് ചിത്രം പറയുന്നത്.

മുൻകാല ചിത്രങ്ങളിൽ നിന്ന് വ്യത്യസ്തമായി അഭിനയ പ്രാധാന്യമുള്ള വേഷമാണ് വിജയുടേത്.

അത് മികച്ച രീതിയിൽ വിജയ് ചെയ്തിട്ടുണ്ട്.

ഇമോഷണൽ സീനുകളിലും ആക്ഷൻ മാസ്സ്സീ നുകളിലും എല്ലാം വിജയ് പതിവുപോലെ മികച്ചതാക്കിയിട്ടുണ്ട്.

ഭവാനി എന്ന വില്ലനായി വിജയ് സേതുപതി ഞെട്ടിക്കുന്നുണ്ട്. കോമ്പിനേഷൻ സീനുകളിൽ ഒക്കെ പലപ്പോഴും വിജയ്ക്ക് മുകളിൽ നിൽക്കുന്ന പ്രകടനമായിരുന്നു അദ്ദേഹത്തിന്റേത്.

മാളവിക, അർജുൻ ദാസ്, ശന്തനു, ആൻഡ്രിയ തുടങ്ങി അഭിനേതാക്കൾ എല്ലാം നല്ല പ്രകടനമായിരുന്നു.

അനിരുദിന്റെ  BGM പാട്ടുകൾ എല്ലാം പ്രേക്ഷകരെ ത്രസിപ്പിക്കുന്നുണ്ട്.

പ്രത്യേകിച്ച് വാത്തി കമിങ് Song👌👌👌

വിജയ് ആരാധകർക്ക് ആഘോഷിക്കാൻ ഉള്ളതെല്ലാം ചിത്രത്തിൽ ഉണ്ട്.

ലോകേഷ് കനകരാജ് നല്ല രീതിയിൽ ചിത്രം ഒരുക്കിയിട്ടുണ്ട്.

എന്നാൽ ലോകേഷിന്റെ മുൻ ചിത്രം കൈതി പോലെ എത്തിയില്ല എന്ന് തോന്നി. അപ്പോഴും ചിത്രം ഒരിടത്തും നിരാശപ്പെടുത്തുന്നില്ല.

വിജയ് സിനിമകളിൽ പ്രതീക്ഷിക്കുന്ന പോലെ ആക്ഷനും മാസ്സും കോമഡിയും ഡാൻസും എല്ലാം ചിത്രത്തിലുണ്ട്.

ഒപ്പം നല്ലൊരു കഥയും.

Positives

ഇന്റർവെൽ സീൻ സൂപ്പർ ആയിരുന്നു👌👌

ഗില്ലി സിനിമയിലെ മ്യൂസിക് ഉൾപ്പടെയുള്ള കബഡി സീൻ  👌👌👌.. തീയറ്ററിൽ ആഘോഷമായിരുന്നു.

ക്ലൈമാക്സ് fight 👌👌👌

Fight scenes എല്ലാം മികച്ചതായിരുന്നു.

വിജയ് - വിജയ് സേതുപതി കോമ്പിനേഷൻ രംഗങ്ങളാണ് ചിത്രത്തിന്റെ ഹൈലൈറ്റ് 

ഏറെ നാളുകൾക്ക് ശേഷമാണ് തീയറ്ററിൽ സിനിമ കാണുന്നത്.

അത് ഒരു മികച്ച അനുഭവമാക്കാൻ മാസ്റ്ററിന് കഴിഞ്ഞിട്ടുണ്ട്.

OTT റിലീസ് വഴി ലാഭം കൊയ്യാൻ നിൽക്കാതെ പ്രേക്ഷകർക്ക് ആഘോഷിക്കാനുള്ളതാണ് തന്റെ ചിത്രം എന്ന് പ്രഘ്യപിച്ച വിജയും നിർമാതാവും സംവിധായകനും വലിയ കയ്യടി അർഹിക്കുന്നുണ്ട്.

മിഥുൻ മഹേഷ്‌ 🙏